بنات اليوم .. قصيدة " نبطية"

المشرف المساهمات : 18 تاريخ التسجيل : 23/03/2008

بنات اليوم

هـــذا بـنــات الـيــوم بــرقــع وجــــوال
ولا عـبـايــة كــتــف هــــم يلـبـسـوهـا

والراس فوق الراس طرحه مع الشال
حـتــى الـخـصـال الطـيـبـة أفـقـدوهـا

يـوم البنـات اللـي غـدٍ سـبـت اهـمـال
ويـــوم السـبـايـب أهـلـهــا هـمـلـوهـا

الأم نــامــت والأبــــو صـــــار تـمــثــال
والبـنـت راحــت ويــن مـــا يسـألـوهـا

باللـيـل تسـهـر بـيـن هـاتــف وجـــوال
أو عـلــى دش الـفـلــس سـهـروهــا

اقفاي هي مـا بيـن الأسـواق واقبـال
بـــلا غــــرض راحــــت ولا انـشـدوهــا

اللبـس تلبـس كــل مــا يـطـرب الـبـال
وفـلـوس لــو تنـقـص عليـهـا عـطـوهـا

مـن شافهـا باللبـس يـا سـاتـر الـحـال
يـسـبـهـا ويــســـب مـــــن خـلـفـوهــا

كومـة لـحـم وعـيـون والـرمـش قـتـال
ولو مـشــت كـــل الـشـبـاب أتبـعـوهـا

هــم مــادرو لــو إن البـراقـع بتـنـشـال
ونشـوف وش تحـت البـراقـع خفـوهـا

يرتـاح مـن صابـه مـن أسبابـهـا هـبـال
ويـشـوف والله مــن عـيـونـه هـووهــا

ويـن البنـات اللـي بهـم تضـرب أمـثـال
لـيـت السـلـوم الطيـبـه مـــا تـركـوهـا

البـنـت زيــن البـنـت لا زانـــت الـحــال
مـاهــو بـلـبــس ولا عــلــوم خــذوهــا

ويـن المراجـل مـا بقـى غـيـرة إرجــال
لـيـت الـشــوارب والـلـحـى حلـقـوهـا

اللـي علـى عـاره رضـى الـذل ينـقـال
لــيــت الـكـرامــه لـيـتـهـم يـرفـعـوهــا

مـاعــاد يـنـفـع قـــول فـيـهـا ولا قـــال
لا الأم والله ولا الأبـــــــو أنــفــعــوهــا

أصـبـح ضـيـاع البـنـت بسـبـاب جــوال
الـبـنـت ضـاعــت والأهـــل ضـيـعـوهـا

منقول من منتديات الأسرة السلفية